فكرة الجيل في التسويق الفعلي : ازاي تعمل مسابقه يتكلم عنها الشارع والبيوت

الموضوع ده متاخد من هنا
subkits.com
========

من الحاجات اللى اصبحت مهمة فى الفترة دى هى فكرة
Give customer unique experience that he never had
الموضوع مش فكرة انك هاتديله هدية "ايا كانت" الهدية ايه …الموضوع التجربة اللى هياخد بيها هديته هاتبقى عامله ازاى
وياسلام لو عملت الموضوع بطريقة
Real time Marketing
ببساطة شوفت الناس عايزة ايه وعملته

دى مثال على حملتين:
الاولى عاملها صفحة نسكافيه مصر عن مسابقة ممكن تكسبك عربية
BMW OR Samsung Galaxy Note OR Mobile S4
جوايز "المفروض" قيمة جدا
الاعلان نزل يوم 9/12/2013 

حقق حتى الان 7300 مشاهدة على اليوتوب ..
ولو حد بص على احصائيات الفيديو هيلاقى الفيديو عامل 14 مشاركة
من وسط اكتر من 7 الاف واحد شاف الفيديو ..14 واحد عملوا شير 

فكر كده وطبق الموضوع على نفسك ..كام مرة شفت حاجة عجبتك ولكن معملتهاش شير "بعيد عن القلش"؟
اتفرجت على كام اعلان من اعلانات او مسابقات الشركات اللى عجبتك وعملت شير للحاجات دى كام مرة..
تقدر تقولى النسبة!!!!

الحملة التانية عملتها شركة طيران كندية

الشركة احتفلت مع عملائها بالكريسماس على طريقتها
الفيديو عمل 18,335,376 مشاهدة على اليوتوب
فى خلال 5 ايام بس

دا اكبر دليل على ان: المشكلة مش فى الزيت يا رحاب ..المهم الرجالة اللى بتتدهن
الزيت = الفلوس ..الرجالة= الماركيتيييييييييززز

تعالوا نتكلم عن شوية حاجات الحملة …اكيد بتاعت شركة الطيران..الحاجات التانية دى عيب وحرام
-لو بصيت على القناة بتاعت الشركة دى هتلاقيها موجودة على اليوتوب من 18/5/2006..وعندها حتى الان 240 فيديو ..تمت مشاهدة الفيديوهات 19,733,050 مرة
يعنى فى خلال 7 سنين عملت 239 فيديو تمت مشاهدتهم 1397674 مرة
وفى خمس ايام عملت فيديو واحد تمت مشاهدته 18,335,376

-الشركة شاركت قصة النجاح معا الناس على المدونة بتاعتهم ..اول حاجة قالوها ..الناس اللى بتسأل ايه السبب فى ان الفيديو ينتشر بالشكل ده ..واجابتنا احنا فكرنا نعمل حاجة لعملائنا لكى نظهرلهم اننا مهتمين بيهم ..وان الموضوع اللى بيكتبوه ده بيهدوه للاسرة اللى كسبت التلفزيون..للطفل اللى طلب اندرويد تابلت ..للراجل اللى طلب شرابات وملابس داخليه.

بالمناسبة الراجل اللى طلب شرابات وملابس داخليه "الجملة دى نفسها" كانت من اكتر الكلمات المستخدمة على تويتر "ترند" وقت ما اتعرض الاعلان…وهتلاقى حتى الان ناس بتتكلم عليها
socks and underwear, westjet

وكتبوا على مدونتهم انهم مش بس عملوا حملة اتكلمت عنها العالم كله ..لا كمان عملوا شخصية "الراجل اللى عايز شربات وملابس داخلية" والناس اتكلمت عنها ..وازاى الناس ممكن تكون احلامها بسيطة ولو عملتها تبقى كسبت الناس 

العائلة اللى كسبت التلفزيون لما علقوا على البوست على صفحة الشركة ..الكومنت بتعهم اخد حوالى 1755 لايك ..والكلام ده كان تانى يوم قبل ما الفيديو ينتشر 

الارقام بتاعت الفيديو دى من القناة الرئيسية – غير – الناس اللى حملت الفيديو غير الناس اللى صورت بالموبايل بتاعها 

دى مش اول حاجة الشركة  تعملها ..
حاولت قبل كده تعمل احتفال فى مفس التوقيت فى 2012 كان عبارة عن
WestJet Christmas Flash Mob
محدش بينجح من اول مرة ..لازم تجرب اكتر من مرة علشان تنجح 

نائب رئيس الشركة..سجل فيديو يوم المفاجأة ..وضح ليه هما عملوا كده..ووضح ازاى الشركة بتقدم خدمات للمجتمع وازاى بيساعدوا فيه
WestJet Christmas Miracle: Why?
مشكلة اى شركة ان الناس مبتسمعلهاش اصلا ..والاعلانات مش هى الحل..لانك بتفرضها عليهم ..لكن لو عملت الحاجة اللى الناس عيزاها ..ساعتها تقدر توصلك رسالتك زى ما انت عايز 

هدف الشركة زى ما كتبت مودنتها الرسمية انها توصل ل 200000 الف فى خلال 24 ساعة
علشان تدى هدية كمان لاشخاص تانية
When a virus at Christmas is a good thing: real-time giving video goes viral

فى خلال يومين كانت اشهر المواقع والقنوات العالمية بتتكلم عنهم زى
Mashable, CTV, CNN, ABC, The Daily Mail

الخلاصة: اعمل الحاجة اللى الناس عيزاها ..مش الفكرة الرائعة بتاعتك ..
راعى انها تضيف قيمة ..لانها دى اهم نقطة ..الناس بتفهم الحاجات المزيفة من الحاجات اللى بتضيف قيمة حقيقية